Еден оператор од мобилната телефонија во Јужна Кореја им предлага на своите корисници тајно мерење на љубовта на нивните партнери со помош на анализа на нивниот глас. Службата "Детектор на љубовта" (Love Detector) на операторот KTF ја користи технологијата која, како што тврдат, ги анализира модулациите на гласот и открива дали соговорникот зборува искрено и со љубов.
"Оваа услуга ја воспоставивме затоа што мислиме дека многу луѓе сакаат да дознаат што другите мислат за нив" - изјавил претставник на операторот KTF.
За време на разговорот на екранот се појавува "скала на љубовта", и на корисникот по пат на СМС порака им се праќа анализата која го открива степенот на љубовта, изненадувањата, концентрацијата и искреноста на соговорникот.
Услугата чини 1.500 вони (едно евро) месечно за неограничен број повици, или 300 вони (0.2 евра) по поединечен повик, пренесуваат агенциите.