Во петок на 21 ноември во дискотеката Амнезија ќе гостува популарниот црногорски пејач Бојан Маровиќ. Кумановчани ќе имаат можност да уживаат во хитовите на популарниот пејач, како и да ја проследат промоцијата на песните од неговиот последен албум “Литар неба”.  
Маровиќ во последно време е чест гостин во Македонија каде што го промовира новиот албум со настапи во познати клубови и дискотеки. На 5-ти Октомври имаше настап на Градскиот Стадион на големиот концерт во чест на Тоше Проески, а  настапуваше и на последниот Макфест каде што ја отпеа баладата “Без тебе нема утре” во дует со Ноне  Неделковска.
Бојан Маровиќ во Македонија ќе пристигне два дена пред настапот и ќе даде допринос во акцијата Ден на дрвото со своето присуство на различни локации каде што ќе засади дрвца.
Настапот во дискотеката Амнезија ќе започне по полноќ, по завршувањето на финалната вечер на Македонскиот радискиот фестивал МАРС 2008 каде што Бојан ќе ја добие наградата за најпопуларен пејач од својата земја во Македонија.