Кумановчани се сеуште под импресии на спектакуларниот концерт кој во понеделникот вечерта се случи на кумановскиот плоштад по повод денот на ослободувањето на нашиот град. Студот не беше пречка за преполниот плоштад да ужива во хитовите на хрватските ѕвезди Јелена Розга, Петар Грашо и Борис Новковиќ.  Публиката од сите генерации, мали деца, тинејџери и постари луѓе ги пееја полни четири часа старите хитови на Магазин, новите песни на Јелена, како и добро познатите “Уторак” , “Тамара”, “Док свира радио” ...

Присутните на плоштадот беа поздравени од градоначалникот на Куманово Зоран Дамјановски кој заедно со Советот на град Куманово беа покровители на настанот. По говорот на градоначалникот следеше спектакуларен огномет кој предизвика воодушевување не само кај публиката туку и кај пејачите. Водител на настанот беше популарната Лила Стојановска која не ги штедеше пофалните зборови за Куманово и концертот.

Куманово веќе стана познато по организацијата на вакви концерти. Пред две години нашиот град беше домаќин на балканската мега-ѕвезда Здравко Чолиќ, во чија чест на плоштадот беа соберени преку 30 000 луѓе. И овој пат на нашиот плоштад пристигнаа голем број гости од блиските градови кои заедно со нашите сограѓани уживаа во концертот.
kuLIFE како и секогаш се најде на местото на настанот. За да ги видите сликите од ноќта кога Куманово беше музички центар на Балканот клик тука., а видеото е подолу