Од четврток до недела Прилеп беше дестинација кон која водеа сите патишта од Македонија. Над 100 000 луѓе, пивопијци, љубители на скарата или пак само сеирџии го посетија шестиот по ред “Фестивал на пивото 2008”.
На фестивалот учествуваа десетина пивари од Балканот, меѓу кои нашите најголеми пивари: Скопската и Прилепската и странските пивари: Никшичка, Ефес Пилсен, Вајсер, Пилс плус и Јагодинска пивара,

Над 70 тони пиво беа испиени за време на четирите дена додека траеше фестивалот. Освен пиварите и скараџиите имаа полни раце работа. Посетителите чекаа и по два часа за да добијат слободно место на штандовите и да пробаат од скарата.  

Ново на овогодинешниот фестивал беа многуте журки кои ги организираа пиварите. Пиво фест понуди забава за најразличните вкусови- од техно журки до рок концерти. Најпосетен беше настапот на Александра Пилева, која направи одлична журка за 10 000 луѓе која долго ќе се памети.
За оние кои што беа во Прилеп ќе останат добрите сеќавања, оние кои што го пропуштија фестивалот ќе имаат шанса следната година да надоместат.    

Ексклузивни фотки обезбеди тимот на kuLIFE за вас. Клик тука за да ги видите...