Во петок и сабота, 29 и 30 август во летната бавча на Младинскиот културен центар “Козјак” во Куманово ќе се одржи четвртиот Меѓународен фестивал на тамбурашки оркестри.  Манифестацијата и оваа година ќе биде од ревијален карактер и ќе содржи две фестивалски вечери на кои учество ќе земат 8 тамбурашки оркестри од балканските простори.

Честа да го отворат фестивалот ќе ја имаат претставиците на нашиот град “Кумановски тамбураши”. Покрај настапот на домаќините, посетителите на фестивалот на првата фестивалска вечер ќе имаат можност да ги проследат и настапите на “Стари Лесковчани” од Лесковац, тамбурашкиот оркестар од Бања Лука и на  оркестарот ”Петар Зрињски” од Врбовац- Хрватска. И втората вечер ќе започне со претставници од Македонија- тамбурашите од Кратово, а потоа ќе настапат оркестрите од Белопоље, Ужице и претставниците од Словенија-"Винишки тамбураши".